Shin-chan: A ritmo de samba

Título: Locutado.

Canción de peche: Subtitulada.

A secuencia musical que abre a longametraxe é a canción «DE-O, DE-O», que se incluiría como tema de cabeceira na distribución ibérica da serie a partir do episodio 600. Dado que no momento en que se dobrou este filme aínda non se avanzara ata ese capítulo, resolveuse ofrecela subtitulada, mais conta cunha adaptación distinta á da versión cantada: «Cando me poñen esta canción, o meu corpo xira con emoción! / Co ritmo movo as cachas coma un campión e rinse todos, son felices! / Meu pai, miña nai, Himawari e mais Nevado ao estaren ao meu lado de graza van sobrados. / E bailan de bo grado! / Ei, maciza, gastas pista? / Eu bailo co cuíño ben á vista! / Aos meus cinco anos e xa son protagonista... / Aínda que algo exhibicionista! / A vergoña toda déixase atrás, ven e baila está canción ao compás! / Non paga a pena amargarse sen razón, na vida o que conta é ter bo corazón. / En fin, éche o que hai!».