Heroes

Rótulos adicionais: si.

Na promoción da serie, a TVG emitiu un par de pezas promocionais de entrevistas a Ali Larter ("Niki Sanders") e Milo Ventimiglia ("Peter Petrelli") falando dos seus respectivos personaxes; as entrevistas emitíanse coa voz superposta de cadanseu homólogo na dobraxe: Ana Lemos e Nacho Castaño.

A estrea da serie inaugurouse na TVG co programa especial "Tempo de Heroes", narrado por Carlos Reboreda (voz corporativa da CRTVG), presentado pola actriz Isabel Risco, con intervencións de Marta Abalde (posprodutora de televisión), Nico Campos (guionista e músico), Santi Navia (propietario da tenda de cómics A Gata Tola) e de Tim Kring (creador da serie), este último traducido mediante a voz superposta de Antonio Mourelos. Nesta presentación de oito minutos mostráronse fragmentos da serie coas voces de Nora Abad, Nacho Castaño, Monti Castiñeiras, Xerardo Couto, Chelo Díaz, Gonzalo Faílde, Daniel Lema, Ana Lemos e María Liaño.