Vacacións a rachar

Hai numerosas referencias a títulos cinematográficos. Nun momento do filme, as protagonistas xogan ao Xogo das Pelis e os Números, citando as seguintes películas con títulos que conteñen números do un ao dez: 'Un conto de Nadal', 'Dous homes e un destino', 'Tango para tres', 'Catro vodas e un funeral', 'Cinco semanas en globo', 'Seis días e sete noites', 'Oito millas', 'Nove semanas e media', 'Dez'. Á parte, hai unha mención á película «do bar Coyote» ('Coyote Ugly'); fálase do formato televisivo 'Pequín Express' (no orixinal refírense ao programa 'Road Rules'). Noutro momento vólvese iniciar unha partida do Xogo das Pelis e os Números, citando como título *'Un voou sobre o niño do cuco'. Máis adiante améntase a longametraxe 'Magnolias de aceiro'. As tres protagonistas rematan a película volvendo xogar ao Xogo das Pelis e os Números, citando: 'Sucedeu unha noite', 'Instinto básico 2', 'Tres solteiros e un biberón', 'Os Catro Fantásticos'... e '55 días en Pequín'.